जागरण मिडिया सेन्टर

Home » अन्य » धारामा पानी छोइएको भन्दै प्रतिक्षामाथि यसरी भयो कुटपिट

धारामा पानी छोइएको भन्दै प्रतिक्षामाथि यसरी भयो कुटपिट

Advertisements

२०७४ भाद्र ५ , जागरण मिडिया सेन्टर

Pratixya_Pariyar_Tanahun_bbyjUPy6tH

तनहुँ, भाद्र ५ – धारामा पानी थाप्ने क्रममा छोइएको भन्दै तनहुँमा एक दलित महिला माथि निर्घात कुटपिट भएको छ । शनिबार जिल्लाको साविक क्यामिन गाविस वडा नं ९ हाल व्यास १० निवासी २७ वर्षीय प्रतिक्षा परियार सोही स्थान निवासी ३० वर्षीय रुपा गुरुङद्धारा कुटिएकी हुन् । शनिवार बिहान करिव ६ बजेको समयमा परियारले धारामा बोतल भर्दै गरेको अवस्थामा सोही स्थान निवासी गुरुङले पानी थापिरहेको बोतलमाथि अर्को बोतल थाँप्दा दुई महिलाबीच विवाद भएको रातोपाटीले जनाएको छ ।

दुवै महिलाबीच भनाभन भैरहेको अवस्थामा रुपा गुरुङले एक्कासी परियार कपालको चुल्ठोमा समाएर कुटपिट गरेको पीडित परियारले बताइन् । “पुजा गर्ने पानी दमिनीले छोइदिई भन्दै तथानाम गाली बेइज्जत गर्नुका साथै मुन्टो नै चलाउन नमिल्ने गरी निर्घात कुटपिट भएको परियारले बताइन् ।”यस अघि पनि ती गुरुङ महिलाले दुई पटक सम्म सार्वजनिक स्थलमा गाली गलौज गरेर स्थानीय समाजसेवीहरुको बसेको छलफलले आउँदा दिनमा यस्ता गल्ती नदोहोराउने शर्तमा छाडिएको थियो तर तेश्रो पटक भने पिटाई नै खानु परेकोे पीडित परियारले भनिन् ।

धारामा नुहाउँदै गरेका शेरचन गुरुङ्ले समेत छुट्टाउन नसकेको पीडितको भनाई छ ।  उनले पनि करिब १० मिनेटपछि मात्रै छुटाउन आएका थिए उनले भनिन् ।  “घटना पछि शनिवारै जिल्ला प्रहरी कार्यालयमा जाहेरी गर्न आउने भनिएपनि शनिवारको दिन बिदा होला भनेर आइएन परियारले भनिन्”– “तर आइतबार बढि दुख्नुका साथै मुन्टो चलाउन नमिलेपछि प्रहरीमा जाहेरी दिन आएको हुँ ।”

आइतबार जाहेरी लेखेर जिल्ला प्रहरी कार्यालयमा दर्ताको लागि जाँदा प्रहरीले पीडकलाई समाएर ल्याएपछि दर्ता गरौला आज अस्पतालमा स्वास्थ्य परिक्षण गराएर आउनु भनेर पठाएको उनले बताइन् ।ू दमौली अस्पतालमा स्वास्थ्य परीक्षण गरेर आउनु भनेर प्रहरीले चिठ्ठी समेत लेखेर पठाएको थियो । तर स्वास्थ्य परिक्षणको क्रममा मुन्टो ठाडो र तल गर्न नमिलेको अवस्थामा एक्सरे समेत नगरिएको उनको गुनासो रहेको छ । प्रहरीले घाउ जाँच केस फारम भरी अस्पतालमा     पठाइएको अवस्थामा चिकित्सकले एक्सरे नगरेपनि पुन गर्न सकिने अवस्था रहेको दमौली अस्पतालका प्रमुख डा पवनजंग रायमाझीले जानकारी दिए ।

यस विषयमा थप जानकारी लिदाँ तनहुँका प्रहरी प्रमुख एसपी उमेशराज जोशीले घाइतेको घाउ जाँच केस फारम भरेर प्रहरीले दर्ता प्रक्रिया अघि बढाएको बताए । उनले भने म आफु कार्यालयमा  नभएको अवस्था परेकोले जाहेरी दर्ता हुन नसकेको हो कसैले गर भन्दा गर्ने नगर भन्दा नगर्ने कुरा भएन कुटपीटको तीन महिना सम्म म्याद हुने भएकोले म्याद गुज्रन नसक्ने उनले बताए ।

प्रहरीले घाउँ जाँच केस फारम भरी अस्पतालमा पठाएको हुदाँ दर्ता प्रक्रिया अघि बढेको छ । पीडित परियारका श्रीमान रोजगारीको सिलसिलामा एक वर्ष देखि विदेशमा छन् ।

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s

%d bloggers like this: