जागरण मिडिया सेन्टर

Home » अन्य » समानुपातिकको दलित कोटामा गैरदलित उमेद्वार !

समानुपातिकको दलित कोटामा गैरदलित उमेद्वार !

Advertisements

२०७४ कात्तिक २७, काठमाडौं

विश्वास खड्काथोकी

काठमाडौं-आगामी मंसिर १० र २१ मा हुने प्रतिनिधिसभाको निर्वाचनका लागि नौं राजनीतिक दलले समानुपातिकतर्फ दलित कोटामा गैरदलितलाई उमेद्वारी बनाएका छन् । निर्वाचन आयोग नेपालले गत १७ कार्तिकमा प्रकाशति गरेको समानुपातिकको बन्द सूचीमा १७ जनागैरदलितलाई दलितको कोटामा राखिएको छ ।

दलितको कोटामा कांग्रेस, नकपा माले, संघिय समाजवादी फोरम, नेपाल मजदुर किशान पार्टी, एकिकृत राष्ट्रिय प्रजातन्त्र पार्टी, लिवरल डेमोक्रेटिभ पार्टी र युवा नेपाल पार्टीले एक, एक जना, जनसमाजवादी पार्टी नेपालले चार, संघिय लोकतान्त्रिक राष्ट्रिय मञ्चले चार, युवा नेपाल पार्टीले दुई जना गैरदलितलाई उम्मेद्वार बनाएका छन् ।

दलित कोटामा गैरदलितको नाम राखेको बिरोध गर्दै युथ एलायन्स, दलित सरोकार मञ्च र दलित अधिकारकर्मीहरु शुक्रबार निर्वाचन आयोगमा डेलिगेसन गएको थियो । उनीहरुले सूची सच्याउन माग गर्दै निवेदनसमेत दिइएको छ । दलित युथ एलायन्सका अध्यक्ष दिपक सोनीले भने, ‘कतिपय दलहरुले समानुपातिकका दलितका कोटाअनुसार नाम नै सिफारिस गरेका छैनन् र कतिपयले गैरदलितलाई सिफारिस गरेका छन् । यसलाई सच्याउनको लागि माग गर्दछौँ । हामीले दलित अयोगमा रजिस्टर भएको सम्पूर्ण थर समेत बुझाएका छौँ ।’

दलितको कोटामा जाने गैरदलित:

राजपाले दलित नै पठाएन
राष्ट्रिय जनता पार्टिले दुई नम्बर प्रदेशबाट समानुपातिकतर्फ एक जना पनि दलितको उमेद्वार बनाएको छैन । यस विषयमा दलित सरोकार मञ्चका भोला पासवानले भने, ‘दुई नम्बर प्रदेशमा १७.२८ प्रतिशत दलितको जनसंख्या छ । तर, राजपाले एक जना पनि समानुपातिकमा उमेद्वार पठाएको छैन । संविधान त यस प्रदेशबाट कम्तिमा ७ जना दलितलाई उम्मेदबार बनाउनु पर्ने थियो, त्यसैले हामीले सूचीलार्ई सच्याउनको माग गर्दछौँ ।’

उनले राजपाले दलित कोटामा तोकिएभन्दा निकै कम दलित उमेद्वार बनाएको पनि जानकारी दिए । राजपा नेपालले प्रतिनिधि सभा सदस्य निर्वाचन ऐन, २०७४ वर्खिलाप गरेको उनको भनाई छ । एमाले र माओवादी केन्द्रले पनि १५ जना दलितको सूची बुझाउदा एक जना पनि मधेसी दलितलाई नपार्नु पनि दुखद रहेको उल्लेख गरे ।

सच्याउन सकिन्छ
नवराज ढकाल, प्रवक्ता, निर्वाचन अयोग नेपाल

समस्या आएको खण्डमा आगमी २५ गतेसम्म दावि, विरोध गर्न पाइन्छ । त्यसैले, निवेदन नै दिनको लागि हामीले २५ गतेसम्मको लागि समय तोकेका छौँ । सार्वजनिक रुपमै विरोध गर्न पनि पाइन्छ । यो सूची हामीले भन्दा पनि दलहरुले ल्याउने भएकाले उहाँहरुकै अनुसार दर्ता गर्छौँ । पत्रको आधारमा हामीले नाम दर्ता गर्ने हो । दलितको कोटामा गैरदलितलाई राखेको भन्दै उहाँहरुले निवेदन दिनुभएको छ । यस विषयमा हामीले छानविन गर्छौँ । यदि साँचो हो भने सच्याउन सकिन्छ ।

#Copied नयाँ पत्रिका

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: